29.10.2026 - Алкалоид АД Скопје - Други ценовно чувствителни информации
Автор: Редакција на FinPortal.mk ·
Алкалоид АД Скопје во периодот јануари – септември 2026 година оствари позитивни финансиски резултати искажани во неревидираните единечен и консолидиран биланс на успех, соопшти компанијата преку Македонската берза за хартии од вредност, согласно Глава 6 од Правилата за котација. Според образложението за остварените резултати, почнувајќи од 2025 година направени се промени во сметководствените политики и методи на вреднување на позициите во финансиските извештаи на компанијата, во согласност со Правилникот за начинот на водење сметководство, издаден во Службен весник на РМ бр. 75/24 на 3 април 2024 година. Вкупни приходи Вкупните остварени единечни приходи во периодот јануари – септември 2026 година изнесуваат 11.094.601 илјади денари и во споредба со остварените во истиот период во 2025 година бележат раст од 3 %. Во структурата на вкупните приходи најголемо учество, 93 %, имаат приходите остварени од продажба на производи и на услуги, кои во споредба со остварените во 2025 година бележат раст од 2 %. Вкупните остварени консолидирани приходи во периодот јануари – септември 2026 година изнесуваат 16.903.528 илјади денари и во споредба со остварените во истиот период во 2025 година бележат раст од 7 %. Во структурата на вкупните приходи најголемо учество, 96 %, имаат приходите остварени од продажба на производи и на услуги, кои во споредба со остварените во 2025 година бележат раст од 7 %. Вкупни расходи Вкупните остварени единечни расходи во периодот јануари – септември 2026 година изнесуваат 9.313.035 илјади денари и во споредба со остварените во истиот период во 2025 година бележат раст од 2 %. Вкупните остварени консолидирани расходи во периодот јануари – септември 2026 година изнесуваат 15.132.977 илјади денари и во споредба со остварените во истиот период во 2025 година бележат раст од 8 %. Податоци за акциите и дивидендата Акциите на Алкалоид АД Скопје котираат на официјалниот пазар на Македонската берза за хартии од вредност од 2002 година и важат за едни од