Агрометеоролозите апелираат: искористете ги деновите без врнежи за сеидба и есенска заштита
Автор: Редакција на FinPortal.mk ·
Земјоделците максимално да ги искористат деновите без врнежи за финализирање на сеидбата и засадувањето на отворено, апелираат агрометеоролозите од Управата за хидрометеоролошки работи (УХМР). Според нив, успешното презимување на културите директно ќе зависи од паметното менаџирање со преостанатата топлина и влага во почвата, поради што е важно овој период да се искористи рационално. Агрометеоролозите предупредуваат дека во овој период примарниот фокус треба да биде ставен на превентивна есенска заштита, односно дезинфекција за намалување на инфективниот потенцијал. Како што објаснуваат, поради високата релативна влажност на воздухот се создаваат услови за развој и презимување на фитопатогени организми, што ја прави превентивната заштита особено важна. Според УХМР, крајот на октомври носи големи промени во земјоделството и претставува клучен преоден период во кој се финализираат есенските активности и се реализира сеидбениот план за некои озимни култури, со цел тие успешно да се адаптираат пред зимските ниски температури. Успешното презимување директно ќе зависи од правилно соодветните сеидбени норми и паметното искористување на преостанатата топлина и влага во почвата. Сеидбата кај јачменот, 'ржта и пченицата е при крај, со цел наведените култури да формираат стабилен и моќен коренов систем пред појавата на првите силни мразови. Во градинарството се садат култури кои се отпорни на студ, се расадува есенска зелена салата во фаза од три до четири листа, а директно се сеат спанаќ и рукола. При крајот на месецот се сеат морков и магдонос, нагласуваат агрометеоролозите. Во овоштарството, додаваат од УХМР, овој период нуди идеални агроеколошки услови, односно одлична температура и влажност на почвата, за засадување нови насади со јаболка, круши, сливи и зрнестото овошје – бобинки. Со тоа се осигурува квалитетно вкоренување на садниците пред настапувањето на зимскиот период на мирување. Апелот на агрометеоролозите доаѓа во момент кога земјоделците ја финализираат есенскат