Регулаторната комисија за енергетика (РКЕ) донесе одлука за корекција на малопродажните цени на нафтените деривати, при што дизел горивото ќе поевтини, додека бензините ќе поскапат од полноќ на 15 септември.Според одлуката, цената на Еуродизелот се намалува за 2 денари по литар и ќе изнесува 99 денари за литар. Од друга страна, цените на бензините Еуросупер БС-95 и Еуросупер БС-98 се зголемуваат за 3,5 денари по литар, па новите цени ќе бидат 100,50 денари и 102,50 денари за литар.РКЕ соопшти дека промените се резултат на зголемените цени на нафтените деривати на светскиот пазар. Кај бензините е регистриран раст од 6,254 отсто, кај дизелот 6,670 отсто, а кај екстра лесното масло 5,881 отсто.Во пресметката е применета и владината мерка за намален ДДВ од 10 проценти за дизел горивото, како и намалена акциза за одредени нафтени деривати.Покрај промените кај горивата за транспорт, цената на екстра лесното масло за домаќинствата се зголемува за 4,5 денари по литар и ќе изнесува 109,50 денари, додека мазутот поскапува за 2,242 денари по килограм. Новите цени ќе важат од 15 септември во 00:01 часот.