Meѓународна конференција за ревизија во Охрид со фокус на AI, етиката и новите ризици
FinPortal.mk · 17.9.2026 г.
На 15 и 16 септември 2026 година, во хотел „Метропол“ во Охрид, се одржа Годишната меѓународна конференција за ревизија 2026, која обединува професионалци од областа на внатрешната и надворешната ревизија, управувањето со ризици, усогласеноста, сметководството и корпоративното управување. Конференцијата е организирана од Здружението за внатрешни ревизори и Институтот за овластени ревизори, како продолжение на нивната долгогодишна соработка. Под мотото „Ехото на одлуките“, годинашната програма ги отвора прашањата кои сè повеќе ја менуваат ревизорската професија – од употребата на вештачката интелигенција и заштитата на дигиталниот идентитет, до управувањето со ризици од трети страни, усогласеноста, човечкиот капитал, лидерството и деловната етика. Меѓу темите се и ефективната употреба на AI од страна на ревизорите, новите пристапи кон моделот на „трите линии“, како и практичната примена на AI алатки во сметководството. На конференцијата учествуваат домашни и меѓународни експерти од Македонија, Полска, Словенија, Хрватска, Франција, Албанија, Косово и САД,Турција, Србија а програмата комбинира стручни презентации и панел-дискусии за предизвиците со кои се соочуваат ревизорите и организациите во услови на забрзана дигитализација и сè поголеми регулаторни барања.Заклучоци: Учесниците на конференцијата укажуваат дека улогата на ревизорот се менува од традиционална контрола кон поширока улога на советник за ризици, технологија, усогласеност и добро корпоративно управување. Вештачката интелигенција и дигиталните алатки отвораат значителни можности за поголема ефикасност, но истовремено создаваат нови ризици поврзани со точноста на податоците, дигиталниот идентитет, одговорноста и етичката употреба на технологијата. Воедно, силниот фокус на интегритетот и етиката покажува дека, и покрај технолошките промени, професионалното расудување, независноста и довербата остануваат основа на ревизорската професија. Паралелно, дискусиите за човечкиот капитал го отвораат